Жумладан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан олинган тезкор маълумот асосида ўтказилган тадбир давомида “Кобальт” русумли автотранспорт воситаси кузатувга олиниб, Қувасой шаҳридаги хонадонларнинг бирига кираётган вақтида тўхтатиш чораси кўрилганида, хонадон эгаси ва ҳайдовчи автомашинани воқеа жойига ташлаб номаълум тарафга қочиб яширинди.

Шундан сўнг, хонадон ва ушбу хонадонга кирган автотранспорт воситаси холислар иштирокида кўздан кечирилганида, хонадонда хорижда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган, умумий қиймати 226,8 миллион сўмлик 213,9 минг дона пиротехника воситалари борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.