Самарқанд вилояти божхона бошқармаси бошлиғи Я.Мирзарахимов тадбирни кириш сўзи билан очиб берар экан, йиғилганларни байрам билан самимий қутлади.

Шунингдек, ўтган давр давомида барча соҳалар каби божхона тизимида ҳам бўлаётган ислоҳотлар ва эришилаётган улкан муваффақиятлар, инсон қадрини улуғлаш мақсадида халқимизга яратилаётган зарур шарт-шароитлар, шу юртда истиқомат қилаётган ёш-у қарини бирдек руҳлантираётганига тўхталиб ўтди.

Байрам арафасида хизмат вазифаларига виждонан ёндошиб, фидойилик ҳамда алоҳида ўрнак билан хизмат кўрсатиб келаётган бир гуруҳ ходимларга махсус унвонлар топширилди.