Шунга қарамай бу турдаги товарларни  божхона чегаралари орқали ноқонуний равишда олиб киришга уринишлар учраб турибди.

Жумладан, Наманган вилояти божхона бошқармасининг Контрабандага қарши курашиш ва божхона аудити бўлими ходимлари томонидан ДХХ чегара қўшинлари ҳарбий хизматчилари билан ҳамкорликда Янгиқўрғон туманида  ўтказилган тезкор тадбирда аввалдан кузатувга олинган шахс бошқарувидаги  юк автомашинаси белгиланган тартибда кўздан кечирилди.

Натижада, автомашина юкхонасида хорижда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган, умумий қиймати 82,4 млн. сўмлик 27 минг 480 дона чўғланма лампочкалар борлиги аниқланди.

Бу каби ҳолатга Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан ҳам ўз вақтида чек қўйилди.

Марғилон шаҳрида ўтказилган тезкор тадбирда аввалдан кузатувга олинган шахс бошқарувидаги “Исузу” русумли юк автотранспорт воситаси тўхтатилиб, холислар иштирокида кўздан кечирилди.

Натижада автотранспорт воситасининг салони ва юкхонасида хорижда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган, дастлабки қиймати 58,8 миллион сўмлик 8400 дона чўғланма лампа товарлари борлиги аниқланди.

Ҳозирда юқоридаги ҳолатлар юзасидан божхона органлари томонидан суриштирув ҳаракатлари давом эттирилмоқда.