Пойтахт божхонасида Асосий қонун ва мадҳия қабул қилинган саналар муносабати билан маънавий тадбир уюштирилди
Тошкент шаҳар божхона бошқармасида Ўзбекистон Республикаси Конституциясининг 29 йиллиги муносабати ҳамда 10 декабрь - Ўзбекистон Республикасининг Давлат мадҳияси қабул қилинган кун муносабати билан “Улуғ халқ қудрати жўш урган замон” мавзусида ўқув машғулоти ўтказилди.
Тадбирда Ўзбекистон Давлат жаҳон тиллари университети доценти, сиёсий фанлар доктори Санжар Саидов ўз маърузаси билан иштирок қилди.
Йиғилганлар эътиборига давлатнинг асосий тимсоллари бўлган Бош қомус ва мадҳиянинг давлат ва жамият ҳаётидаги муҳим аҳамияти ҳаётий мисолларда батафсил тушунтириб берилди.