Жумладан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан ўтказилган тезкор тадбир давомида “Водил-Янгичек” йўналишида ҳаракатланаётган фуқаро Н.Р. бошқарувидаги “Дамас” русумли автомашина Фарғона туманида яшовчи фуқаро Т.А.нинг яшаш хонадонига кирган вақтида холислар иштирокида кўздан кечирилди.

Натижада, хонадонда хорижда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган, умумий қиймати 203 миллион сўмлик 288 дона пиротехника воситалари ва 4978 қути тамаки маҳсулотлари борлиги аниқланди.

Яна бир ҳолатда, фуқаро Р.С. бошқарувидаги “NEXIA 3” русумли автомашина Данғара тумани ҳудудида тўхтатилиб холислар иштирокида кўздан кечирилганида, автомашина салони ва юкхонасида хорижда ишлаб чиқарилган, божхона расмийлаштирувидан ўтганлигини тасдиқловчи ҳужжатлари бўлмаган ҳамда акциз маркалари билан маркаланмаган, умумий қиймати 125 миллион сўмлик 2 турдаги жами 8740 қути тамаки маҳсулотлариборлиги аниқланди.

Ҳозирда мазкур ҳолатлар юзасидан божхона органлари томонидан суриштирув ҳаракатлари олиб борилмоқда.