Жумладан, Сурхондарё вилояти божхона бошқармаси Контрабандага қарши курашиш ва божхона аудити бўлими ходимлари ДХХ ходимлари билан ҳамкорликда Узун туманида пиротехника воситаларининг ноқонуний айланувини олдини олиш мақсадида тезкор тадбир ўтказишди.

Ўтказилган тезкор тадбир давомида, фуқаро Қ.Ф. тўхтатилиб, унинг қўлидаги полиэтилен пакет белгиланган тартибда текширилганда, пакет ичида жами 14 минг дона  пиротехника воситалари борлиги аниқланди ва ҳолат юзасидан процессуал хужжатлар расмийлаштирилди.

Ҳозирда мазкур ҳолатлар юзасидан текширув ҳаракатлари олиб борилмоқда.