Ушбу умуммиллий лойиҳа доирасида манзарали дарахтлар экиш акциясида Андижон вилояти божхона бошқармасининг бир гуруҳ кўнгилли ходимлари ҳам фаол иштирок этдилар.

Вилоят божхона бошқармаси ҳамда постларида, жумладан “Дўстлик”, “Маданият”, “Савай” темир йўл чегар божхона постларида ташкил этилган эко-акцияда божхона ходимлари 400 дан ортиқ манзарали кўчатларни ерга қададилар.

Маълумот ўрнида айтиш лозимки,  муҳтарам Президентимиз “Яшил макон” умуммиллий лойиҳаси доирасида йилига 200 миллион туп дарахт ва бута кўчатларини экиш ва шу орқали туман, шаҳарлардаги яшил майдонларни амалдаги 8 фоиздан 30 фоизга ошириш ташаббусини олға сурдилар.