Тадбирда Ўзбекистон божхона хизмати фахрийлари уюшмаси раисининг 1-ўринбосари  Б.Турсунов сўзга чиқиб, юқорида билдирилган фикрларга қўшилган ҳолда ишдан ташқари вақтда маҳаллада юришда одоб-ахлоқ қоидаларига риоя қилиш, билим савияни ошириш бўйича ўзининг маслаҳатларини бериб ўтди.

Сўзининг охирида Андижон вилояти божхона бошқармаси томонидан божхона фахрийларига кўрсатилаётган эътибор, шароити ва соғлиги оғирлашиб қолган божхона фахрийларига берилаётган моддий ёрдамлар учун божхона ходимларига фахрийлар номидан миннатдорчилик билдириб, барча ходимларни узоқ йиллар хизмат қилиб, ёруғ юз билан пенсияга чиқиб фахрийлар қаторига қўшилишларини сўраб тилак билдирди.

Учрашув сўнгида бу каби учрашувларни тез-тез ташкил этиш борасида келишиб олинди.