Хусусан, Ўзбекистон Республикаси Маъмурий жавобгарлик тўғрисидаги кодексининг 185¹-моддасида ҳамда Жиноят кодексининг 250¹-моддасида пиротехника буюмларининг қонунга хилоф муомаласи учун жавобгарлик ва жазо чоралари белгиланиб, унда пиротехника буюмларини қонунга хилоф равишда ишлаб чиқариш, мамлакатимизга олиб кириш, ташиш, сақлаш ва сотиш тақиқланган.  

Шунга қарамасдан, ҳамон орамизда баъзи инсонлар қонунга зид равишда пиротехника воситалари савдоси билан шуғулланиб келишмоқда.

Бу каби ноқонуний ҳолатларни олдини олиш мақсадида вилоят божхона бошқармаси ходимлари томонидан Самарқанд тумани “Самарқанд-Навоий” автошоҳбекати ҳудудида тезкор тадбир ўтказилди.

Натижада фуқаро Т.М.га тегишли бўлган жами  30 000 дона пиротехника воситалари борлиги аниқланди.             

Ҳозирда ушбу ҳолат юзасидан дастлабки божхона текширувлари олиб борилмоқда.