Бугунги кунда, мазкур акция доирасида фаол иштирок этаётган Сирдарё вилояти божхона бошқармаси, унинг тасарруфидаги божхона постларининг шахсий таркиби томонидан жойларда ва вилоят ҳудудларида кўчат экиш ишлари давом эттирилмоқда.

Хусусан, бошқарма тасарруфидаги “Сайхун” ташқи иқтисодий фаолият божхона постига иқлим шароитига мос бўлган мевали ва манзарали дарахт кўчатлари экилди.

Бундан ташқари, бошқарма ходимлари Сирдарё туманида “Яшил макон” умуммиллий лойиҳасида фаол иштирок этишиб, тумандаги “Истиқбол” МФЙ ва 16-сонли умумтаълим мактаб ҳудудларига манзарали ҳамда мевали кўчатлар экилишига ўз ҳиссаларини қўшишди.

Сирдарё вилояти божхона бошқармаси томонидан “Яшил макон” умуммиллий лойиҳаси бўйича экиш ишлари уюшқоқлик билан давом эттирилмоқда.