Мазкур учрашувда, Давлат божхона органлари тизимида “Хавфни бошқариш тизими” орқали ҳалол тадбиркорлик субъектларига янада қулайликлар яратиш, уларга нисбатан божхона назорати шаклларини энг соддалаштирилган тартибда қўллаш, республикамизнинг экспорт салоҳиятини ошириш, экспортчи корхоналарни молиявий қўллаб-қувватлашни янада кучайтириш, миллий маҳсулотларнинг ташқи бозорлардаги рақобатбардошлигини мустаҳкамлаш ва валюта тушумларини кўпайтириш, шунингдек, тадбиркорларнинг муаммо ва таклифларини бевосита ўрганиш ҳамда божхона органлари билан вужудга келиши мумкин бўлган низоларни муқобил ҳал этиш мавзулари бўйича алоҳида тўхталиб ўтилди.

Учрашувда, божхона бошқармасининг соҳавий бўлимлари томонидан Ўзбекистон Республикасининг “Медиация тўрисидаги” қонуни ва Ўзбекистон Республикаси Президентининг 2020 йил 5 июндаги “Божхона маъмуриятчилигини ислоҳ этиш ва Ўзбекистон Республикаси Давлат божхона хизмат органлари фаолиятини такомиллаштириш тўғрисида”ги ПФ-6005-сонли ҳамда 2021 йил 7 сентябрдаги “Экспортчи корхоналарни рағбатлантиришга оид қўшимча чора-тадбирлар тўғрисида”ги ПФ-6306-сонли фармонлари талаблари бўйича тушунтиришлар бериб ўтилди.

Шунингдек, учрашув сўнгида корхона томонидан товарларни “божхона ҳудудида қайта ишлаш” божхона режимида божхона назорати ва расмийлаштируви жараёнлари бўйича божхона ходимлари яқиндан амалий ёрдам кўрсатилиши бўйича келишиб олинди.