Ушбу лойиҳа доирасида Қашқадарёда ҳам вилоят бўйлаб кўкаламзорлаштириш тадбирлари амалга оширилмоқда.

Хусусан, Қашқадарё вилояти божхона бошқармаси ва бошқарма тасарруфидаги божхона постлари ҳудудларида манзарали ва мевали дарахтлар ҳамда гул кўчатлари экилди.

Дарҳақиқат, ҳозирда иқлим ўзгариши барчани бирдек ташвишга солмоқда. Амалга оширилаётган бу каби эзгу ишлар она табиатни асрашга ундаши билан аҳамиятлидир.

Шу сабабдан ҳам, вилоятимиздаги барча инсонлар, кекса-ю ёш, фаол ва масъулиятли фуқаролар ушбу умуммиллий лойиҳа атрофида бирлашишга, кўчалар, кўп қаватли уйлар атрофи ва ҳовлисига дарахт кўчатлари экишга чақирилмоқда.

Бу ишларни баҳор ойларигача давом этиши, инсониятга фойда келтирадиган даражада маконимизни яшилликка буркашга олиб келади.