Жумладан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан, вилоят Миллий гвардия ходимлари билан ҳамкорликда Қўштепа туманида навбатдаги тезкор тадбир ўтказилди.

Тадбир давомида фуқаро М.С. ўз бошқарувидаги “Кобальт” русумли автотранспорт воситасидаги юкларни ушбу тумандаги хонадонлардан бирига тушириб, қайтиб чиқаётган вақтида ҳуқуқни муҳофаза қилувчи органлар ходимларини пайқаб қолиб, воқеа жойидан яширинади.

Шундан сўнг, мазкур хонадон холислар иштирокида кўздан кечирилганида, хонадонда хорижда ишлаб чиқарилган умумий қиймати 251,7 миллион сўмлик 6 турдаги жами 588,5 минг дона пиротехника воситалари борлиги аниқланди.

Ҳозирда мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.