Семинар-тренингда сўз олганлар, дастлаб, ўзбек тили нақадар сўзга бой тил эканлиги, унинг келиб чиқиш тарихи, она тилимизнинг бугунги кунга қадар сақланиб қолиши, боболаримиздан бизга қадар етиб келгунча қанчадан қанча буюк мутаффаккирларимиз бу йўлда ўз жонларини фидо этганликлари алоҳида таъкидлаб ўтдилар.

Шу билан бирга, бугунги кундаги энг долзарб муаммоларимиздан бири бўлган соф ўзбек тилини бузиб сўзлашиш, унга бошқа чет тилларидан кириб келган сўзларни қўшиб ишлатиш, сўз бирикмаларини хосил қилиш ва гап тузишда унинг маданиятига ҳамда этикасига жиддий эътибор бериш кераклиги ҳам  таъкидлаб ўтилди.

Тренинг якунида Андижон вилояти божхона бошқармаси кадрлар бўлими бошлиғи Б.Каримов сўз олиб, Президентимиз Шавкат Мирзиёевнинг БМТнинг Бош Ассамблеясининг 75-сессиясида ўзбек тилида нутқ сўзлаганлигини, бу воқелик эса ўз навбатида юртимиз ҳаётида, миллатимиз тарихида, халқимиз ёдида ўчмас из қолдирганлигига алоҳида урғу бериб, тренингда фаол иштирок этган тадбир иштирокчилари ҳамда  Алишер Навоий номидаги Тошкент давлат ўзбек тили ва адабиёти университети ҳузуридаги Давлат тилида иш юритиш асосларини ўқитиш ва малакасини ошириш маркази Андижон вилоят бўлими ходимларига миннатдорчилик билдириб ўтди.

Тадбир сўнгида китобхонликни тарғиб қилиш мақсадида “Мен ва оилам китобни севамиз” шиори остида китобхонлик акцияси уюштирилиб, божхона ходимлари нафақат ўзлари учун, балки оила
аъзолари-фарзандлари учун ҳам китоб харид қилдилар.