Мазкур тадбирда Ўзбекистон Ёзувчилар уюшмаси ёшлар билан ишлаш  бўлими бошлиғи, шоира Н.Асадова иштирок этди.

Даставвал, Марказ ходимлари Алишер Навоий ҳайкали пойига гул қўйди ҳамда Н.Асадова Алишер Навоий ҳаёти ва ижоди ҳақида маълумотлар берди. Улуғ мутафаккир, сўз мулкининг султони Алишер Навоийнинг бой маънавий мероси асрлар оша бутун башариятни ҳайратга солиб, инсонлар қалбига, онгига эзгулик, инсонпарварлик, саховат, меҳр-мурувват зиёсини таратиб келаётганлигини, мамлакатимизда улуғ бобокалонимизга эҳтиром кўрсатиш, асарларини ўрганиш, уни дунёда кенг тарғиб этишга доимий эътибор қаратилаётганлигини таъкидлаб ўтди.

Шунингдег, Н.Асадова Алишер Навоийни ўқиб ўрганиш, тарғиб қилиш, айниқса, ёшларимизга ўзлигини англатиш, маънавиятини юксалтириш, уларни ватанпарварлик, юртга садоқат руҳида, умуминсоний ғоялар асосида тарбиялашда муҳим аҳамиятга эга эканини таъкидлади. Шунингдек, Марказ ёшлари Заҳириддин Муҳаммад Бобур, Абдулла Авлоний, Абдулла Қодирий,  Беҳбудий, Ҳамид Олимжон, Зулфия, Саид Аҳмад ва Саида Зуннуновалар ҳаёти ва ижодига оид маълумотлар билан таништирилди.