Ҳар доим хотираларга чўмганимда бобомнинг сиймолари ўз-ўзидан кўз ўнгимда гавдаланади. Бобомдаги тўғрисўзлик, ҳалолик, узоқни кўра билиш оиладаги бошқалар қатори мени ҳам доимо тўғри йўлни танлашимга ёрдам берган. Бобом дунёқараши кенг, замон билан ҳамнафас, моҳир иш юрутувчи раҳбар бўлганлар. Касблари орқасидан жамиятда ҳам, оилада ҳам ўрин топа олганлар. Фарзандлар учун қаттиққўл ота, биз неваралар учун эса меҳрибон бобо бўлиб хотирамизда қолганлар. Бобом ҳар қандай ишга киришмасинлар, у ишнинг уддасидан, албатта, чиқа олганлар. Шогирдлари учун масъулиятли устоз бўлганликларининг исботи ўлароқ, ҳозирга қадар бобом билан бир қаторда меҳнат фаолиятини олиб борганлардан раҳматлар-у олқишларни эшитамиз. Бобомнинг суратларига қараганимда қалбимда қандайдир олов ёниб, ич-ичимдан ғурурланиб кетаман. Бизга айтган ўгитлари, панд-у насихатларига доимо амал қилиб келаман. Шу кунга қадар бобомнинг хизматлари жамиятимиз, халқимиз томонидан рағбатлантирилиб, доимо ёдда тутилиб келинаётгани қалбимизда ғурур туйғуси билан бирга масъулиятни ҳам жўш урдиради. У кишига муносиб набира бўлиш масъулиятини оширади.

Бобом менинг хақиқий қаҳрамоним. Келажакда бобомдай инсон бўлиш учун интиламан ва у кишига муносиб набира булишга ҳаракат киламан. Абадий қалбимиздасиз, Бобожон!