Хусусан, Тошкент шаҳар божхона бошқармаси “Чуқурсой” божхона постига хориждан келтирилган 196 400 дона “вазелин” товарлари “эркин муомалага чиқариш” божхона режимига расмийлаштириш учун электрон тақдим этилган божхона юк декларацияси ва юк кузатув ҳужжатлари асосида божхона кўригидан ўтказилди.

Натижада,  божхона юк декларацияси ҳамда юк кузатув ҳужжатларида қиймати 1 млрд. 17 млн. сўмлик вазелин товарларининг ташқи иқтисодий фаолият товарлар номенклатураси коди нотўғри таснифланганлиги аниқланди.

Дастлабки ҳисоб-китобларга кўра, мазкур товарларга 1 млрд. 33 млн.сўм миқдорида қўшимча божхона тўловлари ҳисобланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.