Хусусан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари Миллий Гвардия ходимлари билан ҳамкорликда Фарғона шаҳрида навбатдаги тезкор тадбирни ўтказишди.

Тезкор тадбир давомида фуқаро М.М.нинг яшаш хонадони холислар иштирокида кўздан кечирилди.

Натижада, ушбу хонадонда хорижда ишлаб чиқарилган, божхона расмийлаштирувидан ўтганлигини тасдиқловчи ва сифатини кафолатловчи ҳужжатлари бўлмаган, умумий қиймати 95,6 миллион сўмлик 3825 дона “Nestle” номли ёш болалар озуқалари борлиги  аниқланди.

Мазкур ҳолат юзасидан божхона органлари томонидан суриштирув ҳаракатлари олиб борилмоқда.