Мазкур назорат Вазирлар Маҳкамасининг тегишли қарорига асосан амалга оширилиб, унда Ўзбекистон Республикаси Маданият вазирлиги ва Ўзбекистон Республикаси Давлат божхона қўмитаси ўз ваколатлари доирасида маданий бойликларнинг олиб чиқилиши ва олиб кирилишини давлат томонидан тартибга солувчи органлар эканлиги белгилаб ўтилган.

Куни кеча Бухорода ташкил этилган тадбирда, айнан маданий бойликларнинг назорат қилиб борилиши, уларни юртимиз сарҳадларидан ноқонуний тарзда олиб чиқиб кетишишининг олдини олишга қаратилган тадбир бўлиб ўтди. Унда Маданият вазирлигининг Бадиий экспертиза бошқармаси ва барча вилоятлардаги бўлим бошлиқлари, Ҳунармандлар уюшмаси ва вилоят божхона бошқармасидан вакиллар иштирок этишди.

Тадбир давомида, ўзаро ҳамкорликни янада ривожлантириш, юқори савиядаги семинарларни вилоят Бадиий экспертиза бўлими билан ҳамкорликда ташкил қилиш ҳамда маданий бойликларнинг ноқонуний айланмасини чеклаш бўйича ишларни амалга ошириш муҳокама этилди.

 Давлат божхона қўмитаси

Ахборот хизмати