Тадбиркорлар ва ТИФ
иштирокчилари учун доимий
ишонч телефони
11-08
Бухорода ишчи гуруҳ томонидан “мижозбай” ўрганишлар давом этмоқда
1179
Ўзбекистон Республикаси Президенти ҳузурида 2021 йил 8 апрель куни ўтказилган ҳудудларда тадбиркорликни ривожлантириш ҳамда 2021 йил учун бандлик дастурининг ижросини самарали ташкил этиш масалаларига доир йиғилишда юклатилган вазифалардан келиб чиқиб, тадбиркорларга сифатли хизмат кўрсатиш, ҳуқуқий маслаҳат бериш, уларга тўсиқ бўлаётган муаммоларни “мижозбай” ўрганиш мақсадида Бухоро вилояти божхона бошқармаси томонидан қатор ишлар амалга оширилмоқда.
Бухорода ишчи гуруҳ томонидан “мижозбай” ўрганишлар давом этмоқда

Мазкур ишлар доирасида тадбиркорларга сифатли хизмат кўрсатиш, маслаҳат бериш, жойларда уларнинг фаолиятини амалга оширишга тўсиқ бўлаётган муаммоларни “мижозбай” ўрганиш ва тезкорлик билан ҳал этиш бўйича Бухоро вилоят божхона бошқармасида ташкил этилган  ишчи гуруҳи томонидан жорий йилнинг 14 август куни “Когон” ТИФ божхона пости билан ҳамкорликда ташқи иқтисодий фаолият қатнашчилари билан корхоналарнинг ўзида учрашувлар ташкил этилди.

Учрашувда божхона бошқармаси бошлиғининг биринчи ўринбосари С.Авезов ҳамда пост ходимлари ташқи иқтисодий фаолият иштирокчиларининг ТИФ соҳасидаги муаммоларини ўрганишди.

Шунингдек, божхона соҳасида сўнгги қабул қилинган норматив-ҳуқуқий ҳужжатлар юзасидан ҳам тадбиркорларга ҳуқуқий маслаҳатлар берилди.

Бу каби ўтказилаётган тадбирларнинг барчаси мамлакатимизда тадбиркорлик субъектлари учун қулай шароит ва имкониятлар яратиш пировардида, халқимизнинг фаровон ҳаёт кечириши, бугунги кунидан рози бўлиб, эртанги кунига янада катта ишонч пайдо бўлишига хизмат қилади.

Учрашув якунида мазкур корхоналар томонидан ўз фаолиятини амалга ошириш жараёнида юзага келаётган, жумладан, божхона расмийлаштируви билан боғлиқ бўлган масалалар юзасидан Давлат божхона қўмитасининг қисқа 11-08 рақамли ҳамда Бухоро вилояти божхона бошқармасининг (65) 221-60-00 “Ишонч телефони”га мурожаат  қилишлари мумкинлиги эслатиб ўтилди.

16.08.2021

Эшитиш учун матнни белгиланг ва ушбу тугмани босинг