Хусусан, Тошкент халқаро аэропортида божхоначилар сифати кафолатланмаган дори воситаларини олиб киришга бўлган уринишни фош қилишди.

«Тошкент-АЭРО» ихтисослаштирилган божхона комплексининг Контрабандага қарши курашиш ва божхона аудити бўлими тезкор вакиллари томонидан аввалдан олинган маълумотларга асосан «Истамбул-Тошкент» йўналиши бўйича учиб келиб «яшил» йўлак орқали ҳаракатланган фуқаро К.С. нинг багажлари божхона кўригидан ўтказилди. Натижада, унинг багажлари ичида божхона ходимининг оғзаки сўровида айтилмаган, дастлабки ҳисоб-китобларга кўра умумий нархи тахминан 78 650 000 сўмга тенг 513 дона турли хил дори воситалари борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.