Хусусан, «Тошкент халқаро аэропорти» чегара божхона пости инспекторлари томонидан «Истамбул-Тошкент» йўналиши бўйича учиб келиб «яшил» йўлак орқали ҳаракатланган фуқаро М.Ш.га тегишли багажларнинг сканер қурилмаси орқали олинган тасвирлари божхоначилар эътиборини тортади. Ўрнатилган тартибда ўтказилган божхона кўриги эса шубҳаларни тасдиқлади. Фуқаронинг багажлари ичида божхона назоратига тақдим этилмаган ва божхона ходимининг оғзаки сўровида айтилмаган, шунингдек, жисмоний шахслар томонидан божхона тўловларисиз олиб кириш меъёрларидан ортиқча бўлган қиймати 10 миллион сўмдан ортиқни ташкил этувчи 3 кг. 707 гр.  кумушдан ясалган заргарлик буюмлари борлиги аниқланди.

Ҳозирда ушбу ҳолат юзасидан суриштирув ҳаракатлари олиб борилмоқда.