Хусусан, Тошкент вилояти божхона бошқармаси Контрабандага қарши курашиш ва божхона аудити бўлими ходимлари ДХХ вакиллари билан ҳамкорликда Тошкент шаҳри Чилонзор туманида тезкор тадбир ўтказишди.

Тадбир давомида, фуқаро Қ.Ж. умумий қиймати 89,5 миллион сўмлик 70 қути “Remdesiver Injection”, 4 қути “Humira pen”, 23 қути “Lantus Solostar” номли дори воситаларни шартли харидорга ноқонуний тарзда сотаётган вақтида  ашёвий далиллар билан қўлга олинди.

Шунингдек, яна бир ҳолатда, ушбу ҳудудда фуқаро А.Ж. “Чанган” русумли автотранспорт воситасига юкланган, умумий қиймати 144 миллион сўмлик 1600 дона “Астимин” номли дори воситаларини  шартли харидорга сотаётган вақтида ходимлар томонидан тўхтатиб қолинди.

Ҳозирда мазкур ҳолатлар юзасидан божхона органлари томонидан  суриштирув ҳаракатлари давом эттирилмоқда.