Жумладан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан ўтказилган тезкор тадбир давомида, фуқаролар Н.А. ва А.Ж.лар бошқарувидаги “Кобальт” автомашиналари “Водил-Қўқон” йўналишида тўхтатилиб, ўрнатилган тартибда кўздан кечирилди.

Натижада, автомашиналар салони ва юкхонасида хорижда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган, умумий қиймати 213 миллион сўмлик 21 турдаги 1900 дона маиший техникалар борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.