Хусусан, Андижон вилояти божхона бошқармаси Контрабандага қарши курашиш ва божхона аудити бўлими ходимлари Миллий Гвардия вакиллари билан ҳамкорликда навбатдаги тезкор тадбирни ўтказишди.

Ўтказилган тезкор тадбир давомида фуқаро А.Т. бошқарувидаги “NEXIA” русумли автотранспорт воситаси тўхтатилиб, белгиланган тартибда кўздан кечирилди.

Натижада, автомашина юкхонасида сифати кафолатланмаган ва божхона расмийлаштирувидан ўтказилганлигини тасдиқловчи тегишли ҳужжатлари бўлмаган, умумий қиймати 30 миллион сўмлик “Remdesivir for injection (Lyophilized)” номли дори воситаси борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.