Андижон вилояти божхона бошқармаси Контрабандага қарши курашиш ва божхона аудити бўлими ходимлари томонидан навбатдаги тезкор тадбир ўтказилди.

Тадбир давомида, фуқаро К.Б. бошқарувидаги “Isuzu” русумли автотранспорт воситаси белгиланган тартибда кўздан кечирилди.

Натижада, автотранспорт воситаси юкхонасида сифати кафолатланмаган ва божхона расмийлаштирувидан ўтказилганлигини тасдиқловчи ҳеч қандай ҳужжатлари бўлмаган умумий қиймати 91 миллион сўмлик гигиеник воситалар борлиги аниқланди.

Мазкур ҳолат юзасидан божхона органлари томонидан суриштирув ҳаракатлари давом эттирилмоқда.