Жумладан, Бухоро вилояти божхона бошқармаси “Олот” чегара божхона пости ходимлари томонидан қўшни давлатдан юртимизга кириб келган юк автомашинаси белгиланган тартибда божхона назоратидан ўтказилди.

Натижада, юк автомашинасидаги юклар орасида ҳужжатларда кўрсатилмаган, умумий қиймати 95 млн. сўмлик 100 дона мультиварка товарлари борлиги аниқланди.

Шунингдек, яна бир ҳолатда, «Хўжадавлат» темир йўл чегара божхона пости ходимлари томонидан хориждан юртимизга кириб келган темир йўл вагонлари божхона постида ўрнатилган “Инспекцион кўрик мажмуаси” орқали белгиланган тартибда божхона кўригидан ўтказилди.

Холислар иштирокида бўлиб ўтган божхона кўриги давомида темир йўл вагонида юк кузатув ҳужжатларида кўрсатилмаган умумий киймати 69 млн. сўмлик турли товар-моддий бойликлари борлиги аниқланди.

Ҳозирда юқоридаги ҳолатлар юзасидан божхона органлари томонидан суриштирув ҳаракатлари олиб борилмоқда.