Жумладан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари томонидан ўтказилган тезкор тадбир давомида фуқаро У.Д. 1 дона қора целлофан пакетни фуқаро А.А.га бераётган вақтида тўхтатилиб, целлофан пакет холислар иштирокида кўздан кечирилди.

Натижада, мазкур целлофан пакет ичида хорижда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган, дастлабки қиймати 81,5 млн. сўмлик 83 дона уяли алоқа воситалари ва телефон аксессуарлари борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.