Фарғона вилоятида ҳам фуқароларнинг суд-ҳуқуқ масалаларига оид мурожаатларини тинглаш, бу борадаги долзарб масалаларни ўрганиш ва уларни ҳал қилиш мақсадида 7-9 июль кунлари Президент Администрацияси, халқ қабулхоналари, Олий суд, Судьялар олий кенгаши ва ҳуқуқни муҳофаза қилувчи органлар раҳбарлари иштирокида оммавий қабуллар ўтказилиши белгиланган эди. Уч кун давомида Марғилон шаҳри, Ёзёвон, Боғдод ва Фурқат туманларида бўлиб ўтган оммавий қабулларга вилоятнинг барча ҳудудларида истиқомат қилувчи фуқаролар қамраб олинди. Қабуллар жараёнида фуқароларнинг божхонага оид суд-ҳуқуқ ва бошқа масалалар юзасидан мурожаатлари тингланиб, тўлиқ ўрганилди. Жойида ҳал этиш имкони бўлган муаммолар ҳал этилиши таъминланди. Қўшимча ўрганиш ва вақт талаб этадиган муаммоли масалалар бўйича мурожаатлар қабул қилиниб, ҳал этилиши назоратга олинди.

Фуқаролар муаммолари, уларнинг мурожаатлари тегишли мутасадди раҳбарлар томонидан ўрганилиши халқимизнинг ҳаётдан рози бўлиши учун янада кенг имкониятлар яратмоқда.