Тадбирда вилоят бўлимига янги раис ва 1-вице президентлари тайинланди. Эндиликда федерация президенти лавозими Бухоро вилояти прокурори Махмуд Истамовга, 1-вице президенти лавозими эса Бухоро вилояти божхона бошқармаси бошлиғи Баходир Қутлимуратовга топширилди.

Яхши биласиз, бугунги кунда Бухоро вилояти бокси юртимизда етакчилардан бири сифатида эътироф этилади. Вилоятдан бир қатор жаҳон ва Осиё чемпионлари етишиб чиққан. Аммо бокс бир жойда тўхтаб турмайди. Эндиликда ушбу етакчиликни сақлаб қолиш, вилоят боксини янги поғонага кўтариш талаб этилади.

Йиғилиш давомида бир қатор масалалар бўйича ҳисоботлар тингланди ва келгусидаги вазифалар ижроси бўйича муҳокамалар олиб борилди.