Хусусан, Тошкент халқаро аэропортида хорижий авиарейс билан парвозини якунлаб, умумий учиб келиш залидаги «яшил» йўлак орқали ҳаракатланиб келаётган хориж фуқаросининг ҳаракатлари божхона ходимларининг диққатини тортди.

Ҳолатга аниқлик киритиш мақсадида ушбу фуқаронинг қора рангли чемодани белгиланган тартибда божхона кўригидан ўтказилиши натижасида, чемодан ичидаги шахсий буюмлар орасида 2 дона полиэтилен пакетларга солинган, йўловчи божхона декларациясида кўрсатилмаган ва белгиланган тартибда божхона назоратига тақдим этилмаган умумий оғирлиги 39,73 граммни ташкил этувчи яшил рангли ўзига хос специфик ўткир ҳидга эга ўтсимон, тўқ яшил тусли модда ва 1 дона «cookies» ёзувли майдалагич борлиги аниқланди.

Ўтказилган экспертиза натижалари йўловчидан ашёвий далил сифатида олинган моддалар марихуана гиёҳвандлик воситаси эканлигини тасдиқлади.

Ҳозирда аниқланган ҳолат юзасидан божхона текширувлари олиб борилмоқда.