Хусусан, Бухоро вилоят божхона бошқармасида, вилоят Техник жиҳатдан тартибга солиш агентлиги билан ҳамкорликда, Ўзбекистон Республикаси Президентининг “Техник жиҳатдан тартибга солиш соҳасида давлат бошқарувини тубдан такомиллаштириш тўғрисида” 2021 йил 2 июндаги ПФ-6240-сонли ҳамда “Ўзбекистон Республикаси инвестициялар ва ташқи савдо вазирлиги ҳузуридаги Ўзбекистон техник жиҳатдан тартибга солиш агентлиги фаолиятини ташкил этиш чора-тадбирлари тўғрисида” ПҚ-5133-сонли фармон ва қарорларининг мазмун-моҳияти, келгусидаамалга оширилиши лозим бўлган ишлар тўғрисида маълумот бериш учун ўқув семинари ташкиллаштирилди. Семинар давомида божхона ходимлари ва тадбиркорлик субъектларига агентликнинг масъул ходимлари томонидан жорий қилинаётган янгиликлар тўғрисида тушунчалар беришди. Хусусан, тадбир якунида,  қатнашувчилар ўзларини  қизиқтирган саволларга тегишли жавобларни олишди.