Бутун дунё бўйлаб, ҳар йилнинг 1 июнь куни “Халқаро болаларни ҳимоя қилиш куни” сифатида нишонланади.

Хусусан, бугун Навоий вилояти божхона бошқармасида болалар учун алоҳида байрам кечаси уюштирилди. Байрам муносабати билан болалар учун “Соқивой ва Боқивой”ларнинг саргузаштлари, ўрмон ҳайвонлари иштирокида болалар учун спорт мусобақалари, китоб ярмаркалари ўтказилди. Жажжи қизалоқлар иштирокида рақсларга бой тарзда ўтган байрам кечаси болажонларга бир олам қувонч улашди. Шунингдек, байрамга келган барча болалар бошқарманинг эсдалик совғалари билан тақдирланди.

Хулоса қилиб айтганда, «Болаларни ҳимоя қилиш куни» байрамининг мақсади кенг жамоатчилик диққатини болаларнинг юзида табассумни кўриш, уларнинг бахти-иқболи, уларнинг ҳуқуқларини ҳимоя қилишга, бахтли болаликка эга бўлишларига ва ўз мамлакатининг тўла-тўкис ва хотиржам фуқароси бўлиб ўсишларига қаратишдир.