Юртимизнинг эртанги эгаларига бўлган юксак эътибор тариқасида ташкил этилган байрам кўтаринки руҳда бўлиб ўтди. Бир-биридан қизиқарли шартларга бой тадбир давомида болажонларнинг ҳам жисмонан, ҳам маънан етук экани яққол намоён бўлди. Ҳар бир болажонларга эсдалик совғалар тақдим этилди. Байрам тадбири қувноқ куй-қўшиқлар садоси остидаги рақсларга уланиб кетди. Болалар кўзларидаги завқ-у шавқни кўриб, божхоначиларнинг диллари чуқур ғурур ва ифтихорга тўлди. Юртимиз ривожи учун беминнат хизмат қилиб келаётган ходимларнинг оиласига, фарзандларига эътибор сифатида ўтказилган бу тадбир уларнинг янада ғайратга тўлиб ишлашлари учун туртки бўлди.