Барча ташкилотлар қатори Бухоро вилоят божхона бошқармасида ҳам оилалар мустаҳкамлигини таъминлаш, оиланинг фарзанд тарбияси борасидаги масъулиятини ошириш, оилавий қадриятларини мустаҳкамлаш, жамиятда тинчлик ва барқарорликни сақлашда оиланинг тутган ўрнини тарғиб қилиш мақсадида, “Халқаро оила куни”ни муносиб нишонлаш чораларини кўриш дастури асосида байрам тадбири ташкил этилди. Тадбир давомида куч-ғайратга тўла ёш оилалар жисмоний фаолликларини шартлар давомида кўрсатдилар. Бундан ташқари оилалар қизиқарли викторина усулида ўтган шартда ўз билим ва иқтидорларини намоён этдилар. Тадбирда иштирок этган оилалар “Китобхон оила”, “Қувноқ оила”, “Намунали оила”, “Эпчил оила” номинациялари бўйича диплом ва қимматбахо совғалар билан тақдирландилар. Бу каби тадбирлар оила мустаҳкамлигини янада оширишга хизмат қилади ва жамиятда оиланинг ролини янада оширади.