Навбатдаги сайёр қабул Навоий вилояти Қизилтепа туманида фуқароларнинг суд-ҳуқуқ соҳасидаги ҳамда божхона соҳасидаги мурожаатларига самарали ечим топиш учун янада қулай шароит яратиш мақсадида Халқ қабулхоналари, Олий суд, Божхона органлари ва ҳуқуқни муҳофаза қилувчи органлар раҳбар ходимлари иштирокида оммавий қабуллар бошланди.

Айни пайтда Хатирчи тумани, Конимех туманлари аҳолиси Қизилтепа туманида қабул қилиниб, фуқароларнинг суд-ҳуқуқ масалалари ҳамда божхона соҳасига оид мурожаатлари тингланиб, зарур бўлган ҳуқуқий маслаҳатлар берилмоқда.

Бу каби ўтказилаётган сайёр қабуллар аҳоли ва тадбиркорлик субъектларининг ҳуқуқий билим ва маданиятини янада ошириш, халқнинг муаммо ва истакларини жойига чиққан ҳолда ўрганиб, барча давлат идоралари томонидан якдилликда мавжуд муаммоларнинг ижобий ҳал этилишига хизмат қилиши шубҳасиз.