Жумладан, Тошкент шаҳар божхона бошқармаси Контрабандага қарши курашиш ва божхона аудити бўлими ходимлари томонидан ўтказилган навбатдаги тезкор тадбир давомида “Чуқурсой техник-идора” темир йўл чегара божхона пости орқали хорижий давлатдан темир йўл контейнерида келтирилган товарлар ўрнатилган тартибда кўздан кечирилди.

Натижада, йўл-юк кузатув ҳужжатларида кўрсатилмаган ва кўрсатилганидан ортиқча бўлган, умумий қиймати 603 млн. сўмлик 1800 дона тунги ёритиш чироқлари ҳамда 108000 дона қандолатчиликда фойдаланиладиган фейрверклар борлиги аниқланди.

Дастлабки ҳисоб-китобларга кўра, ушбу товарларга 416,93 млн. сўм қўшимча божхона тўловлари ҳисобланди.

Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда.