Бошланган ушбу хайрли ташаббус доирасида Фарғона вилояти божхона бошқармаси раҳбарияти томонидан бошқармада намунали хизмат олиб бораётган ва хизматда юқори натижаларга эришган ходимларни эл-юртга садоқатли, хизматда, жамоат ишларида, одоб-ахлоқда, билимдонликда, умуман, маънавий баркамолликка интилишда бошқа ходимларга ўрнак бўладиган ва ҳар томонлама етук божхона ходимини тарбиялагани учун бир гуруҳ божхона ходимларининг хонадонларига борилиб, уларнинг оналарига алоҳида эҳтиром кўрсатилди, гулдасталар ва эсдалик совғалари тақдим этилди.

Учрашувларда вилоят ҳокими ташаббуси билан мамлакатимизда илк бор Фарғонада ўтказилаётган “Оналарга эҳтиром” фестивалининг мазмун-моҳияти ва юксак тарбиявий аҳамияти ҳақида тўхталиб ўтилди ва онахонлар фестивалнинг тантанали тақдирлаш маросимига фахрий меҳмонлар сифатида таклиф этилди.

Мўътабар онахонлар ҳам самимий эътироф, алоҳида эътибор ва байрамона йўқловлар учун миннатдорлик билдириб, юрт тинчлиги ва фаровонлигини тилаб дуога қўл очдилар.