Шу билан бирга, тизимда божхона ходимларининг хизматга бўлган муносабатини тубдан ўзгартириш, уларнинг онгида ҳар қандай қонунбузилиш ҳолатларига нисбатан муросасиз муносабатни шакллантириш мақсадида, 2021 йилнинг ўтган даврида Хоразм вилояти божхона бошқармасининг Коррупцияга қарши курашиш ва ўз хавфсизлик бўлими томонидан бир қатор тадбирлар амалга оширилди.

Жумладан, бошқарма ходимларининг ота-онаси ва оила аъзолари билан уларнинг яшаш хонадонларида учрашувлар ўтказилди. Шу билан бирга, бошқармада ходимларнинг ота-онаси ва оила аъзолари иштирокида “Коррупцияга қарши курашишда оиланинг ўрни” мавзусида проифлактик-учрашув ўтказилиб, уларга антикоррупцион мазмунда огоҳлантириш хатлари берилди.

Бу борада, бошқарма шахсий таркиби иштирокида ўтказилаётган профилактик тадбирларга бошқа ҳуқуқни муҳофаза қилувчи идоралар ходимлари ҳам жалб қилиниб, ходимларнинг коррупцияга қарши курашиш соҳасида ҳуқуқий билимларини ошириш ҳамда улар томонидан содир этилиши мумкин бўлган бошқа ҳар қандай қонунбузилиши ҳолатларнинг олдини олиш йўналишида “Коррупциянинг ҳар қандай кўринишига муросасиз бўлиш кундалик ҳаёт тарзимизга айланиши шарт” мавзусида профилактик йиғилиш ўтказилди.

Шунингдек, Коррупцияга қарши курашишда мавзули аудио ва видеоролик ҳамда инновацион ахборот-тарғибот материалларидан фойдаланган ҳолда ходимларда коррупцияга нисбатан муросасиз муносабатни ва коррупцияга қарши курашишнинг аниқ хулқини шакллантиришга қаратилган бир қатор тадбирлар давомида, ходимларга профилактик фильм намойиш этилди.

 А.Рузметов

Хоразм вилояти божхона бошқармаси

Коррупцияга қарши курашиш ва

ўз хавфсизлик бўлими бошлиғи