Куни кеча Тупроққалъа ва Ҳазорасп тумани аҳолиси учун ташкил этилган сайёр қабул, бугун эрталабдан Қўшкўпир, Хива туманлари ва Хива шаҳри аҳолиси Қўшкўпир тумани марказида қабул қилинди. Ишчи гуруҳ аъзолари томонидан фуқароларнинг соҳага оид мурожаат ва муаммолари ўрганилди.

Ушбу оммавий сайёр қабулда Давлат божхона қўмитаси Хоразм вилояти божхона бошқармаси бошлиғи И.Казаков ва соҳа мутахассислари иштирок этишди.

Ўтказилган оммавий қабулда божхона органларига хизматга кириш масаласида мурожаатлар келиб тушди. Мазкур мурожаатлар жойида ҳуқуқий маслаҳат бериш орқали ҳал қилинди.

Жойларда ўтказилаётган оммавий сайёр қабуллар халқнинг дардини эшитиш, уларнинг муаммоларини ҳал этишда, шак-шубҳасиз, кутилган натижаларни бермоқда.

Эслатиб ўтамиз сайёр қабуллар вилоят ҳудуди бўйлаб давом этмоқда.