Навоий вилояти Кармана туманида жойлашган "UzEraeAlternator" МЧЖнинг заводи  жойлашган худудга божхона ходимлари бориб иш жараёнлари билан танишишди.

"UzEraeAlternator" МЧЖ Хитой билан ҳамкорликда 14,5 миллион долларлик инвестиция асосида барпо этилган. Заводда асосан, автомобиллар учун компрессорлар ва генераторлар ишлаб чиқаради. Товарлар ички бозорда жуда харидоргир.

Ҳозирги кунда бу ерда 100 нафарга яқин ишчи ишлайди. Корхона ишчилари учун ҳамма шарт-шароитлар яратилган, шунингдек келгусида яна 60 та ишчи ўрни яратилиши режалаштирилган.

Учрашув давомида божхона соҳасида сўнгги қабул қилинган норматив-ҳуқуқий хужжатлар юзасидан ҳам тадбиркорларга ҳуқуқий маслаҳатлар берилди.

Бу каби ўтказилаётган тадбирларнинг барчаси мамлакатимизда тадбиркорлик субъектлари учун қулай шароит ва имкониятлар яратиш пировардида, халқимизнинг фаровон ҳаёт кечириши, бугунги кунидан рози бўлиб, эртанги кунига янада катта ишонч пайдо бўлишига хизмат қилади.