Тошкент вилояти божхона бошқармаси Контрабандага қарши курашиш ва божхона аудити бўлими ходимлари томонидан ҳуқуқни муҳофаза қилувчи бошқа идоралар вакиллари билан ҳамкорликда Зангиота туманида тезкор тадбир ўтказилди.

Тезкор тадбир давомида аввалдан кузатувга олинган 3 нафар шахслар қиймати 158 млн. сўмлик 3 турдаги 16 минг 456 дона дори воситаларини сотаётган вақтида тезкор ходимлар томонидан тўхтатиб қолинди.

Ҳозирда ушбу ҳолат юзасидан божхона органлари томонидан суриштирув ишлари олиб борилмоқда.