Куни-кеча Қарши халқаро аэропортидан “Қарши-Москва” йўналиши бўйича, учиб кетмоқчи бўлган фуқаро А. Ш. нинг хатти-ҳаракатлари шубҳа остига олиниб, унга тегишли қўл юклари рентген аппарати ёрдамида белгиланган тартибда божхона назоратидан ўтказилди.

Натижада, божхона органларининг оғзаки сўровида маълум қилинмаган, қадимийлиги 50 йилдан ошган жами 41 дона собиқ СССР даврида зарб этилган тангалар ноқонуний равишда юртимиздан олиб чиқилиши ҳолати аниқланди.

Ҳозирда мазкур ҳолат юзасидан текширув ва суриштирув ишлари олиб борилмоқда.

Қашқадарё вилоят

божхона бошқармаси

Ахборот хизмати