Бугун юртимизнинг қайси гўшасига бормайлик, 9 май  “Хотира ва қадарлаш” кунига бағишланган қурбонларни хотирлаш, жангдан омон қайтган, фронт ортида фидокорона меҳнат қилган ва хизмат бурчини бажариш чоғида ҳалок бўлган ҳарбий хизматчилар ва ҳуқуқни муҳофаза қилиш органлари ходимлари хотираси олдида ҳурмат бажо келтириш, бугун сафимизда юрган фахрийларни қадрлашга қаратилган маърифий-бадиий тадбирлар, учрашувлар ва хотира кечалари бўлиб ўтмоқда.

Ушбу сана  муносабати билан Навоий  вилояти божхона бошқармасида  ҳам  божхона тизимида ўз касбига виждонан, садоқат билан хизмат қилган, мамлакатимиз иқтисодий манфаатларини ҳимоя қилишга муносиб ҳисса қўшган, лекин, афсуски, бугун орамизда бўлмаган Ж.Жабборов, А.Камолов, А.Хаққулов, О.Қоматов, А.Қурбонов, Ш.Иноятов каби марҳум божхоначилар бошқарма шахсий таркиби томонидан хотирланиб, оила аъзолари ҳолидан хабар олинди, моддий ёрдамлар кўрсатилди.

Бу каби тадбирлар ёш авлодни миллий анъаналаримизга садоқат ва умуминсоний қадриятларга ҳурмат руҳида камол топтириш ҳамда бу муқаддас айёмни юксак савияда ўтказишда муҳим аҳамият касб этади.

Навоий вилояти

божхона бошқармаси

Ахборот хизмати