Хусусан, Тошкент шаҳар божхона бошқармаси Контрабандага қарши курашиш ва божхона аудити бўлими ходимлари томонидан “Тошкент-товар” ТИФ божхона пости ходимлари билан ҳамкорликда хориждан юк контейнерида келтирилган халқ истеъмоли товарлари божхона кўригидан ўтказилди.

Натижада, божхона юк декларациясида ва юк ҳужжатларида кўрсатилмаган 534,7 млн. сўмлик 4 турдаги товарлар борлиги аниқланди.

Дастлабки ҳисоб-китобларга кўра, мазкур товарларга 84,8 млн. сўмлик қўшимча божхона тўловлари ҳисобланди.

Ҳозирда мазкур ҳолат юзасидан суриштирув ишлари олиб борилмоқда.