Хусусан, Фарғона вилояти божхона бошқармаси Контрабандага қарши курашиш ва божхона аудити бўлими ходимлари олдиндан олинган маълумот асосида ўтказилган тезкор тадбир давомида, “Қувасой-Қўштепа” йўналишида ҳаракатланаётган фуқаро Д. Ҳ. бошқарувидаги “Кобалт” русумли автомашина кузатувга олинди.

Ушбу автомашина белгиланган тартибда тўхтатилиб кўздан кечирилганда, автомашина салони ва юкхонасида республикамиз ҳудудига ноқонуний олиб кирилган, ҳорижда ишлаб чиқарилган, божхона расмийлаштирувидан ўтказилганлигини тасдиқловчи ҳеч қандай ҳужжатлари бўлмаган, умумий қиймати 28 000 000 сўмлик жами 35 дона икки хил турдаги “Samsung” номли чангютгичлар борлиги аниқланиб, ашёвий далил тариқасида олинган.

Ҳозирда ушбу ҳолат юзасидан суриштирув ҳаракатлари олиб борилмоқда.