Айниқса, бунда ёшлар учун кўплаб спорт ўйинлари ва маданий  тадбирларни ташкил этиш мухим ахамият касб этади.

Ана шундай тадбирлардан бири Тошкент вилояти Чирчиқ Давлат Педагогика институти ҳузуридаги Чиноз хизмат кўрсатиш ва сервис техникумида бўлиб ўтди.

Унда Давлат божхона қўмитаси томонидан Чиноз тумани ҳокимияти билан ҳамкорликда 7 ёшдан 16 ёшгача бўлган ёшлар ўртасида стол тенниси, шахмат ва шашка бўйича спорт  мусобақалари  ташкил  этилди.

Тадбирда  Давлат божхона қўмитасининг “Тошкент-АЭРО” ихтисослаштирилган божхона комплекси, Миллий  кинология  маркази  ходимлари ҳамда Чиноз тумани ҳокимияти вакиллари иштирок этишди.

Шиддатли тарзда ўтган мусобоқалар якунида ғолибларга диплом ва эсдалик совғалари топширилди.