Хусусан, Бухоро вилояти божхона бошқармаси Контрабандага қарши курашиш ва божхона аудити бўлими ходимлари “Хўжадавлат” темир йўл чегара божхона пости ходимлари билан ҳамкорликда қўшни мамлакатдан кириб келган темир йўл вагонларини белгиланган тартибда инспекцион кўрик мажмуаси ёрдамида божхона назоратидан ўтказишди.

Натижада, темир йўл вагонларида юртимиздаги масъулияти чекланган жамиятлардан бирининг номига олиб келинаётган юклар орасида божхона юк кузатув ҳужжатларида кўрсатилгандан ортиқча бўлган, умумий қиймати 119 миллион сўмлик қуритилган мевалар борлиги аниқланди.

Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.