Мамлакатимизда амалга оширилаётган кенг кўламли ислоҳотларнинг кузатувчиси эмас, халқ ва давлат манфаатига хизмат қилувчи муҳим ташаббуслари билан фаол иштирок этишлари учун барча шароитлар яратилди. Буларнинг барчаси коррупция иллатининг ҳаётимиздан чиқариб юборилишига хизмат қилади.

Фарғона вилояти божхона бошқармасида шахсий таркиб билан  коррупциянинг олдини олишга ва унинг салбий оқибатларини англаб етишларини тушунтиришга қаратилган навбатдаги “Миллий тикланишдан – коррупциясиз келажак сари” мавзусидаги давра суҳбати бўлиб ўтди.

Давра суҳбатига “Миллий тикланиш” демократик партияси аъзоси,  журналист Муқаддас Шокирова ҳамда Республика Маънавият ва маърифат маркази Фарғона вилояти бўлими раҳбари ўринбосари Шавкатжон Тўйчиев таклиф этилди.

Давра суҳбатида қатнашчиларга соҳа мутахассислари томонидан коррупцияга қарши курашда энг аввало маънавий бўшлиқларни миллий ғоямиз билан тўлдириш, ёш авлодни ватанпарварлик руҳида тарбиялаш ва ота-боболаримизга муносиб авлод бўлиш каби тушунчалар билан келажак авлод маънавиятини бойитиш зарурлиги таъкидланди. Коррупцияга қарши кураш аввало оилада тарбиядан, таълим даргоҳларидан устозлардан ва меҳнат фаолияти жараёнларида барча бирдек курашилсагина натижа бериши мисоллар билан тушунтирилди.

Тадбир сўнгида ходимлар коррупциянинг олдини олишда партиянинг ҳаракатлари ва президентлик сайловларига тайёргарлик жараёнлари бўйича ўзларини қизиқтирган саволларга жавоб олдилар.