Хусусан, Тошкент шаҳар божхона бошқармаси Контрабандага қарши курашиш ва божхона аудити бўлими ходимлари томонидан “Тошкент-товар” ТИФ ҳамда “Чуқурсой техник идораси” темир йўл божхона пости ходимлари билан ҳамкорликда масъулияти чекланган жамиятлардан бирининг номига хорижий мамлакатдан олиб келинган “велосипед эҳтиёт қисмлари”  божхона кўригидан ўтказилди.

Натижада, йўл-юк кузатув ҳужжатларида қайд этилмаган жами қиймати 883,4 млн. сўмлик 7075 дона велосипед камералари, 236 660 дона 4 турдаги хўжалик товарлари ҳамда салкам  7 тонна  тонна оғирликдаги болт ва гайкалар борлиги аниқланди.

Дастлабки ҳисоб-китобларга кўра мазкур товарларга  200 млн. сўм қўшимча божхона тўловлари ҳисобланди.

Ҳозирда мазкур ҳолат юзасидан суриштирув ишлари олиб борилмоқда.